2026 жылғы 19–25 сәуір аралығында Қазақстанда «Вакциналар әр буын үшін тиімді» ұранымен Еуропалық иммундау апталығы өтуде.
Бұл науқан жыл сайын сәуір айының соңғы аптасында ұйымдастырылады және вакцинацияның барлық жастағы адамдарды жұқпалы аурулардан қорғаудағы маңызы туралы халықтың хабардарлығын арттыруға бағытталған.
Вакцинация қоғамдық денсаулық сақтау саласындағы ең тиімді жетістіктердің бірі болып саналады. Мамандардың бағалауынша, соңғы 50 жыл ішінде екпелер 150 миллионнан астам адамның өмірін сақтап қалды.
Вакцинациямен кең қамтудың арқасында нәресте өлімі айтарлықтай азайды, ал ауыр асқынулардың миллиондаған жағдайының алдын алу мүмкін болды. Бүгінде бұрынғыдан да көп бала дені сау өсіп, ұзақ өмір сүруге мүмкіндік алып отыр.
