Атеросклероз — тамыр қабырғаларында атеросклероздық түйіндер (бляшкалар) түзілетін созылмалы ауру. Уақыт өте келе олар тамыр саңылауын тарылтып, ағзалардың қанмен қамтамасыз етілуін бұзуы мүмкін.
Негізгі қауіп факторлары:
- холестерин деңгейінің жоғарылауы;
- артериялық гипертония;
- темекі шегу;
- артық салмақ;
- қант диабеті;
- дене белсенділігінің жеткіліксіздігі;
- дұрыс тамақтанбау.
Тамыр денсаулығын сақтауға не көмектеседі?
- Жануар майлары мен тұзды шектейтін теңгерімді тамақтану.
- Тұрақты дене белсенділігі.
- Темекіден бас тарту.
- Дене салмағын бақылау.
- Артериялық қысымды, холестерин және қандағы глюкоза деңгейін тұрақты бақылау.
Есте сақтаңыз: атеросклероз ұзақ уақыт бойы білінбей өтуі мүмкін.
Тамырларыңыздың денсаулығына бүгіннен қамқорлық жасаңыз — алдын алу өзіңізден басталады!