Туберкулезді жылдам әрі дәл анықтауға болады. Заманауи диагностика әдістері Қазақстанда қолжетімді.
Қазіргі таңда туберкулезді анықтауда молекулалық-генетикалық әдістер кеңінен қолданылады. Олар аурудың бар-жоғын қысқа уақытта анықтап қана қоймай, дәріге төзімділікті бағалауға мүмкіндік береді.
GeneXpert MTB/RIF — туберкулезді молекулалық-генетикалық диагностикалаудың заманауи әдістерінің бірі.
Бұл әдістің маңызды артықшылықтары:
- зерттеу нәтижесі шамамен 2 сағатта дайын болады;
- диагностиканың дәлдігі жоғары;
- туберкулез қоздырғышының рифампицинге төзімділігін бір мезгілде анықтауға мүмкіндік береді;
- Дүниежүзілік денсаулық сақтау ұйымы ұсынған әдіс;
- өкпелік және өкпеден тыс туберкулез кезінде қолданылуы мүмкін;
- тестілеуге арналған аппараттар Қазақстанның өңірлерінде қолжетімді.
Зерттеуге тек қақырық қана алынбайды. Клиникалық жағдайға байланысты жұлын-ми сұйықтығы, плевра сұйықтығы, зәр, нәжіс, лимфа түйіндерінен алынған материал және басқа да биологиялық үлгілер зерттелуі мүмкін.
Ерте әрі дәл диагностика — емдеуді дер кезінде бастап, дұрыс ем тактикасын таңдаудың маңызды қадамы. Заманауи диагностика — туберкулезсіз Қазақстанға бастар маңызды қадам!